Универзитетот во Марибор е универзитет кој по големина и по традиција е втор во Словенија. Основан е во 1975 година во Марибор, Североисточна Словенија. Денес, Универзитетот во Марибор има 17 факултети, на кои студираат околу 15000 студенти и на кои работат 1800 наставници, истражувачи и друг персонал.
Универзитет во Марибор
Photo: © 2TM d.o.o.
Универзитет во Марибор (Univerza v Mariboru)
Универзитетот во Марибор е автономна образовна и истражувачка институција. Најпопуларни програми на Универзитетот се хуманистичките, природните и техничките науки, како и економските и медицинските. На факултетите при Универзитетот секоја година се одржуваат летни и зимски школи и јазични курсеви.
Во 2014 година студентите го наградија Универзитетот во Марибор со признанието „Најдобар универзитет за странски студенти“. Според рејтингот на Тајмс, Универзитетот во Марибор е најдобар универзитет во Словенија.
Меѓународна соработка
Од 1999 година Универзитетот во Марибор активно учествува во програмите на меѓународната студентска размена Еразмус+. Во рамките на оваа програма Универзитетот има потпишано билатерални договори со повеќе од 500 странски универзитети.
Познати студенти
Некои од најпознатите студенти на Универзитетот во Марибор се политичарите Људмила Новак, Радован Жерјав и Андреја Катич, поранешниот градоначалник на Марибор – Франци Канглер, поранешниот словенечки претседател Јанез Дрновшек, како и најдобрата словенечка скијачка Тина Мазе.
